e mërkurë, 5 shtator 2007

رجلين رجل تحيرنى


ياسمين و هى اعده فى امان الله ،، لقيت واحده اسمها دينا عملالى آد على الماسنجر فعملتلها اكسبت عادى جدا
ما علينا اعدنا نتكلم انا و هيا فى حوارات تافهه جدآ ، عرفت عنها كل حاجه و خلاص بئينا اصحاب ، و شويه و لئيتها رميالى قنبله فى وشى ايه القنبله دى بقى ، لئيتها بتؤولى سمعتى عن الولد اللى بيتحدى البنات برجله !! قولتلها نعم يا فندم فكررت اللى قالته ، فحبيت استفسر فقلتلى ان ده ولد فى جامعه خاصه و آمت بعتالى الصوره اللى ادامكو ديه عملت عبيطه و التلها ده اكيد شاذ او مش طبيعى و ده عادى الايام ديه ما علينا ، قالتلى ايه بقى ؟ قالتلى لأ يا بنتى ده طبيعى جدآ ده انا اعرفه فسألتها أمال ايه الصوره ديه و ايه المونوكير ده و الحركات تتخيلوا قلتلى ايييييييييييييييييه قلتلى لأ مهو اصلو كان بيمسل فى مسرحيه فى الجامعه
يا مصبتيييييييييييييييييييييييييييييييييييييييييييييييييييييييييييييييييييييييييييييييييييييييي
يا خراشييييييييييييييييييييييييييييييييييييييييييييييييييييييييييييييييييييييييييييييييييييييييي
دى لو كانت قلتلى انه شاذ مكنتش صوت كده بقا يا عالم فى راجل ابن راجل يقبل انه يبقى كده ، انه يلبس كده، انه يتآل عليه انه مش راجل و انه لامو اخذه ...
يا عينى عليكى يا مصر يا عينى على الرجاله اهى مقولة الرسول عليه الصلاة و السلام بتتحقق ان احنا فى زمن الرجاله بتعمل زى الستات و الستات بتعمل زى الرجاله بس اكيد ربنا فرجو قريب و ان شاء الله الغمه هتنزاح
بس بردو انا مش ادره استوعب ازاى هو وصل للمرحله دى ، طيب لو بلعنا حوار انه كان بيمثل ، طيب ازاى يرضى على نفسه ان صوره تتنقل على المبيلات لأ و كمان داخل فى تحدى مع البنات فى جمال السيقان
بس بامانه الواد رجله حلوه



غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي

e shtunë, 1 shtator 2007

السفاره فى الزباله



كلنا طبعا عرفيين اللى حصل فى العراق و مسلسل امريكا اللى دخلت بيه العراق ، ما علينا ، المهم انا عرفت من مصادر موثوق منها ان امريكا عيزه تعمر العراق و ان اول حاجه هتعملها عشان تعمر العراق هى بناء السفاره الامريكيه هناك ، الغريب بئا انها اختارت موقع غريب اوى ، موقع الميه و النور مش بيوصلولوا غير ساعتين فى اليوم بس مش غريبه دى، ده و كمان مفيش صرف صحى هناك ، طيب لو السفير حب يعمل زى الناس فى غير الساعتين دول هيتصرف ازاى ؟ اكيد هيحوشولوا ميه زى كل الناس مبتعمل، ولا ايه ؟
سبكو بئا من كل ده ، طيب هيملو ازاى حمامات السباحه الكتير اللى عملوها جوا السفاره ، طيب هيسقوا ازاى نجيلة ملعب الكوره اللى عملوه ، بلاااااااااااش كل ده طب المركز الاجتماعى المتكامل الفراشين اللى بيشتغلو جواه هيغسلوا مكان الناس اللى بتطلب طلبات ازااااااااااااى ، يا ترى الميه اللى هيحوشوها هتكفى ؟
ههههههههههههههههههههههههههههههههههههههههههههههههههههههههههه
اسمعوا يا نااااااااااااس السفاره الامريكيه هتحوش ميه بيتهيئلى ممكن يحصل بس الواحد يكون واكل اكله متينه و نايم بئا ، هيشوف كل ده و اكتر كمان لو خياله واسع ، ده الامريكان لو طالو يقطعوا الميه عن العراق كلها مش هيتأخروا ، المهم انا عيزه ابشر الاخوه العراقيين سكان المنطقه اللى فيها السفاره و أؤلهم استعوضوا ربنا فى الساعتين بتوع الميه و الكهربه ، يا ريت تعزلو او تهاجروا ، ده كمان المبنى معمول على اعلى مستوى و السور بتاعه كبييير جدا لدرجة انك متئدرش تشوف مبنى السفاره غير من مبنيين بس فى العراق كلها ده عشان المبنيين طوال جدا ، العراقيين المفروض من بكره يخرجوا فى مظاهرات يقولو فيها

يا حلاوة الدنيا يا حلاوه بئا عندنا سفاره
يا حلاوة الدنيا يا حلاوه زغرتى يامو عماره
يا كل كلمة للعجب في قامــــــــــــوس
انسكلوبيديا لسان العرب أو لا لاروس
تعالوا نجدة . ده لسه في عصـــــرنا
الشمس و البحر العريض بالفـــلوس
عجبي
!!!!

e premte, 31 gusht 2007

صداقه بجد ام علاقة ود؟


موضوعى النهارده حساس جدا و يمسنى شخصيآ و هو الصداقه ، و لكن و فى بداية كلامى اريد ان اطرح عليك سؤالآ ، هل لديك صديق؟؟
و لكن و قبل ان تجيب على سؤالى اريد ان اخبرك بمعنى كلمة صديق، الصديق هو الذي يشعر بألمك دون ان تتحدث ، هو الذى لا تريد ان ترى سواه فى أحلك اوقاتك حتى يحتويك و انت فى قمة ضعفك
(يعنى هو الوحيد اللى لما عينه تيجي في عينك انتو الأتنين تدمعوا من كتر منتو فهمين بعض)
الأن و بعد ان عرفت ما الذى تعنيه كلمة صديق ، لا اريد ان أعرف اجابتك فلو كانت اجابتك نعم فهنيئأ لك ، اما اذا كانت اجابتك لا فقد لا تسعفنى الكلمات لكى اشرح لك كم انت بائس فالانسان بدون صديق كالنبات بدون ماء فالانسان هو النبات و صديقه هو الماء
و لكن ليس كل الاصدقاء كالماء الصافى، فهناك اصدقاء كالماء الحمضى الذى يقتل صديقه، و لكن كيف يقتل الصديق صديقه؟ الاجابه هى بالخيانه
فما لا تستطيعون تصوره هو مشاعر الصديق المخدوع فى صديقه ، دعونى انقل لكم قليل مما يشعر به هذا الصديق فهو يشعر بأن قلبه سيتوقف عن الخفقان من هول حزنه لفقدانه لاسمى احساس فى الوجود الا وهو احساس الصداقه (احساسك انك انكسرت و مبقاش لك ضهر ) و احساسه بالندم على كل تضحياته التى كانت من اجل الانسان الذى لا يستحقها و لكنى و عن تجربه اريد ان انصح كل من خدع و من سوف يخدع ، لا تحزن و لا نتدم على تضحياتك من اجل انسان احببته او كان صديقك فيكفيك احساسك حينها انك تقوم بالتضحيه من اجل انسان احببته اكثر من ذاتك ، فما اسمى هذا الاحساس
عشان كده انا حسا العنوان اوى عشان فى كتير فى حياتنا بنفتكرهم اصدقائنا لكن هما مجرد ناس بتجمعنا بيهم علاقة ود

e martë, 17 korrik 2007

Bad mood awiii


البوست ده انا هكتبو بالعاميه بسبب طبيعة الموضوع ,, هو موضوع كتير منكو هيشوفوه تافه بس انا شيفاه حيوى و لازم كلنا ننتبهلو ,, انا من ساعة ما اخدت الاجازه و انا كل ما اخش على الماسنجر او الياهو الاقى كل الشباب اللى عندى كتبين جمله واحده فى المعنى مع اختلاف الصيغه و هيا جملة (بااااااااااااااد موووووووود اوىى )انا لاحظت ده فى الاجازه و لما اعدت افكر فى السبب معرفتش الاقى اى تفسير و بينى و بنكو انا نفضت و قلت دى اكيد صدفه بس بعدها بكام يوم كنت اعده بتفرج على برنامج تافه كالعاده و كانو مستضيفين ممثله و جت سيرة الاكتئاب فلقتها بتقول انها عانت من الاكتئاب فى فتره من قترات حياتها و انها راحت لدكتور نفسى و انه قالها ان دى فتره عاديه و ان من العادى انك تصابى بالاكتئاب فى الفتره دى ليـــــــــــــــــــه بقى؟؟؟؟ عشان الشباب لازم يمروا بفترة اكتئاب و ان الفتره دى عندهم بتبقى فترة نضج فكرى يعنى انتقال من مرحله فكريه لمرحله اخرى
انا اوام اوام قمت رابطه ما بين كلام الدكتور و الظاهره اللى لسه حكيلكوا عنها و لما اعدت افكر اقتنعت بكلامه بينى و بنكم بس لما اعدت افكر تانى لاقيت ان المرحله دى بتطول اوى مع الناس اللى اعرفهم فحسيت ان كلام الدكتور ده ممكن يكون غلط او ممكن اننا نطبقوا على حالات فرديه بس بردو موصلتش لسبب الاكتئاب ده ,, هل ممكن يكون بسبب ان الشاب بيكون عندوه خوف من المستقبل و انه ممكن ميلاقيش غير وظيفه بكام الف . او ممكن يكون بسبب خوف البنت انها متقدرش تختار العريس المناسب

من وسط التسع عرسان اللى هيتقدملها ؟,, مش عرفا انا احترت اوى يبقى اكيد كلام الدكتور صح الصح

بس ده لو كده يبقى انا بقالى تلت سنين بمر بمرحلة نضج فكرى

e premte, 13 korrik 2007

اه يا صحتنا




الى اين نحن ذاهبون,, تعال و انظر معى على المستقبل و ما يخبئه لنا من مفاجئات سارة كانت او حزينه ,,,,,,,,,, الان اخبرنى ماذا ترى ؟!! ساطلعك على سر لى ,, انى لا ارى شيئا , لا ارى سوى ظلام دامس ما سنتقدم خطوه الا و سوف نقع ,,, السؤال! لماذا هذه النظره التشاؤميه و ان وهذا لهو لب الموضوع, ساتحدث عن الشباب و الادمان
سابدا اولا بذكر بعض انواع المخدرات و الاكثر شيوعا فى مصر
الحشيش
الحشيش أكثر المخدرات انتشاراً في العالم ويطلق اسم الحشيش على النبات وعلى الراتنج آي إفراز القمم المزهرة لنبات القنب والسطح العلوي لأوراقه وعلى أطراف النبات المورقة والمزهرة وهي تشبه في مظهرها التبغ ولكن لونها يميل إلى الاخضرار أكثر من اللون البني . ولبنان مصدر من مصادر إنتاج الحشيش الذي يمتاز بجودته .
الحشيش وأضراره يسبب تعاطي الحشيش تشويش إدراك الحس للزمان والمكان واختلالاً في الوظائف العقلية كما يولد إحساساً خاطئاً بالقدرة على التفكير الثاقب والخلق والإبداع وتعاطيه يسبب الاعتماد النفسي وقد يسبب الاعتماد الجسمي أيضاً وفي بعض الأحيان يؤدي التعاطي إلى الموت أو الجنون . وبالإضافة إلى ذلك فإن تعاطي الحشيش يشكل نقطة انطلاق نحو تعاطي عقاقير أكثر خطورة مثل الهيروين والكوكايين والمؤثرات العقلية من منشطات ومهبطات وعقاقير هلوسة وأحياناً يحدث أن يقوم متعاطي الحشيش بقتل أمه أو أبيه أو أبنه أو أبنته أو زوجته أو أخيه أو أخته .
الهيروين
والهيروين أكثر العقاقير المسببة للإدمان والمحدثة للموت في العالم العربي . ويؤدي تعاطيه إلى الإدمان والاضطرابات النفسية وتليف الكبد والإصابة بالغرغرينة وبالتالي إلى بتر أحد القدمين أو اليدين كما يؤدي أيضا إلى نقل مرض الإيدز والوفاة .
بالطبع ليست هذه كل انواع المخدرات و لكنها الاكثر انتشارا فى العالم العربى ,, و الان و بعد ان كشفت اخطار هذه الانواع ياتى السؤال و هو لماذا نتعاطى هذه السموم؟؟
الاجابه فى منتهى الوضوح و فى كلمه واحده و هى الاحباطات ,, لقد اصبحت حياتنا حفنه من الاحباطات فى منازلنا احباطات و فى مجتمعنا احباطات فما بايدينا سوى الهروب الى هذه السموم كى نسرق لحظات سعاده مذيفه من المجتمع و لكن _على حساب مين كل ده_فكما تقوا الحكمه ( و جنت على نفسها مراكش ) فما ان نستيقظ حتى نجد انفسنا فى وسط بحر مظلم بدون سفينه فالبحر المظلم سيكون حياتنا التى ستكون قد انتهت و السفينه ستكون المجتمع الذى لن ينتظرنا , هيا بنا تعالو معى لنعبر بوابة الاحباطات و نلحق بالسفينه و بالاراده لن نستطيع فقط ان نلحق بالسفينه بل ستستطيع ان نقودها



ازاي شبابنا يقوم و ياخـــــــــد دوره
من غير صراخ يئذيه و يجرح زوره
يا هلتري أحسن له يقعد ساكـــــــــت
أو ينترك و لو خرج عن طــــــوره ؟
عجبي

e shtunë, 21 prill 2007

يا صبر ايــــــــــــــــــــــــــــــــوب

اين انت يا صبر ؟ اين ذهبت يا صبر ؟
نحتاج اليك يا صبر ... قرب ان ينفذ الحبر
منذ سنه تقريبا حدث حادث العباره و الذى راح ضحيته ارواح عديده ,,, فما كان موقف الحكومه؟,, موقف عقيم كغيره من المواقف السابقه و التاليه _و اللى كان نائص _ ان يظهر مسؤول كبير قالبا و هو يقول: يا جماعه احمدوا ربكم ده اهاليكو ماتوا شهدا _ موقف فى منتهى الحقاره و الوساخه لمو اخذه _ و لكن وكالعاده ساد الصمت
الرهيــــــــــــــــــــــــــــــــــــــــــــــــــــــــــــــــــــــــــــــــــــــــــــــب
و بعد عدة اشهر جاء حادث قطار الصعيد و ماتت المئات من الارواح البريئه و التى كان ذنبها الوحيد انها استقلت هذا القطار بهدف ان يقلها الى اماكن عملهما و ليس الى الحياة الاخرى و ما كان من الحكومه الا ان توكل مسؤول كبير قالبا حتى يقول : يا جماعه احمدوا ربكم ده القطر مكنش فيه ولا طفل _ جاك قطر اما يلوشك يا بعيد_و لكن لابد ان نذكر مجهودات الحكومه فقد دفعت للمتوفى خمسة الاف جنيه و للمصاب الفان _ يا بلاش _ و كالعاده الصمت الرهيب
و خاتمة الحوادث _انا فوت مليون حادثه فى النص عشان قرفت_ ولا اقصد بخاتمه انها الاخيره و لكن اقصد انها خاتمة الحوادث الاسبوعيه هى حادثة اوتوبيس دهب و لا اريد سرد التفاصيل لطفا بالقارئ ,, و لكن الى متى ستظل ارواحنا فى ايدى من ياعبون الكره و البينج بونج و يشربون السوفت درينك لابد من وقفة صارمه من اجل تغيير مصائرنا التى تلعب بها الحكومه و انقاذ ارواحنا و التى سوف نسال عليها يوم القيامه و ان لم يكن من اجلنا فمن اجل اولادنا ,, و ان لم نستطع تغيير مصائرنا فعلينا بالصبر و لكن ؟
اين انت يا صبـــــــــــــــــــــــــــــــــــــــــــــــــــــر؟؟

e mërkurë, 18 prill 2007

ماذا بعد ......؟



و بعدين يا عرب...! و اخرتها يا عرب
هتفضلو كده سكتين, سكوت النمله للفيل ..........!هتفضلو كده متخاذلين, تخاذل الموظف المسكين يا عرب يا عرب!! عمالين نؤع واحد ورا واحد , فى الاول فلسطين و بعدين العراق و حصلتهم لبنان... واحد ورا واحد ورا واحد
بس بردو نستطيع ان نجزم بان هناك امل ولسه فى اصوات بتقول لالالالا , بس يوم ما بيطلع الصوت ...... ههههههه _كلنا بنبئا معاه_ على فكره انا لا اقول لكم _اتلموا_ حواليه و لا ساندوه لا سمح الله , بس حتى ادعولوا و لو مش بتعرفوا تدعوا الا فى صلاة يوم الجمعه اللى بتتذاع فى التليفزيونات يبقى احب اطمنكوا ان ربنا عمره ما هيقبل دعاوتكم عشان للاسف مش من قلوبكم
اؤلكوا حاجه ...... انتو لا تساندوه ولا تدعوله بس سيبوه يعمل فى صمت ... و ان هذا هو اضعف الايمان لكن اللى بيحصل ده حرام انكو لا بترحموا ولا سيبين رحمة ربنا تنزل .. يعنى لا انتو عيزيين تساندوه ولا تدعوله لكن كمان نروح نترمى فى احضان تمثال الحريه و لتحيا الديمقراطيه .. حسبى الله و
نعم الوكيل

و بعدين يا عرب و اخرتها يا عرب؟

انتو مبتشوفوش تليفزيون؟! مبتسمعوش اخبار؟! مش فكرين منظر الامهات و الاطفال فى قانا كان ازاى تحت الانقاد...؟
رجال الانقاذ و هما بيرفعوا الانقاد _مكان الصواريخ_ لقوا الامهات حضنه عيالها
اى حد يكون مكانكوا و شاف المناظر ديه كان عمل اى حاجه , مش شويه نندد و نشجب و حبة استجوابات فى مجلس الشعب ,,,,,,,, لكن بردو انتوا هتفضلوا زى منتوا , على طول مغمضين , مش هتشوفوا غير اللى انتوا عايزيين تشوفوه ولا تسمعوا غير اللى عيزيين تسمعوه انا بدعلكوا عشان تتغيروا عشان انتوا فعلا محتاجيين للتغيير و عرفين محتاجين ايه كمان !! محتاجين تحسوا ببعض و انتا يا كبيرنا ,, فين صوتك ؟! و لا هو صوتك مبيلعلعش الا فى صولاتك الانتخابيه ,,,,, خد بالك يا كبيرنا احسن كلنا جبنا اخرنا ....ولا ايه؟